我問身為成年人的自己，當我們（包括助人者、老師、家長）認為學生不夠好時，我們又有沒有可以做得更好的地方？怎樣才是陪伴青少年的方式？

一位孩子話： 「我完成「唔」倒，因為時間「唔」夠⋯ 因為覺得自己既諗法「唔」夠好，想用其他想法做⋯ 本來想要大啲，好大既，但又怕做「唔」到， 而家佢太細喇⋯我「唔」滿意，要繼續做⋯ 我覺得疲憊同失望⋯」 另一位孩子話： 「我做完左，將自己既諗法做左出黎，我覺得好滿足！」 如果將 「唔可以」 改為 「咁樣做好啲」 當父母了解左孩子既有咩需要後，再建議能夠乎合雙方需求既做法，會比起強行要求孩子停止某些行為更有效。 如果將 「做唔倒」 改為 「我覺得你嘗試左好多」 讓孩子知道你見倒佢地付出左既努力，係一份無形既支持！你仲可以提點下佢地有邊啲嘗試做得好，值得繼續做，咁樣可以鼓勵倒佢地繼續去嘗試。 如果將 「唔夠好」 改為 「做左呢啲嗰啲好好！睇吓再做啲咩會令效果更好？」 前者會讓孩子誤以為父母否定自己既能力，令佢地感覺無力；後者係針對事，肯定佢做得好既部份再引導佢地思考點樣可以再好啲，讓孩子知道進步既方向，有進步既動力。 其實小朋友需要被肯定好多次，先會令佢地明白： 「原來我既諗法有好既地方，我有做得好既地方！嗯，我可以相信自己！」...

「我欣賞你好坦誠咁表達你既迷惘，讓同學知道呢度可以表達任何感受。」 「我欣賞你考慮左一陣之後，都願意讓出自己既座位俾好想坐呢個位既同學，呢個行動好友善呀～！」 「我欣賞你地雖然有唔耐煩，但都願意繼續留喺坐位，安靜聆聽其他人，令說話既人感受到重視。」 欣賞佢地作出既一小步，讓佢地感受到我地既關愛，令佢地知道自己可以做得好，某啲行為可以做多啲，慢慢一步步成長。善意溝通需要好多自我覺察同練習，親子表達藝術治療活動同親子靜觀活動都可以幫倒手，不妨留意下。

對小朋友既管教要幾嚴、幾鬆至好？正念親職（Mindful Parenting) 教我地同理及回應孩子既心情，平和地對佢地既行為作出引導。咁第一步就要先覺察及調整自己嘅心情，唔好俾自己既反應破壞左溝通同關係，導致反效果啊～！ 親子表達藝術治療服務可以俾你試下、玩下、實驗下，睇下點樣既養育方式最適合你地既相處方式，有需要就 聯絡我地 啦！